Kete te shtune, dy ditë nga përfundimi i afatit, pasdite, në mbledhjen e kryesisë se PS qe nis ne oren 17:00, kryesocialisti Edi Rama vendos për 61 kandidatët me të cilët do të kërkojë fitoren në zgjedhjet e majit.
Katër vite pas vendoreve të 2019-ës, Partia Socialiste pritet të garojë në pjesën më të madhe të bashkive me të njëjtët emra.
Në bashkitë më të mëdha dhe kryesore, Tiranë, Durrës, Elbsan, Fier, Lushnje, Lezhë, Berat Korçë, Dibër apo Himarë kryetarëve të bashkive i është besuar një tjetër mandat.
Te të mëdhatë ndryshimin e bën Shkodra dhe Vlora. Bastioni historik i së djathtës i është besuar deputetit Benet Beci. Me faktorin e shtuar ish LSI-in Agron Çela dhe aleatin e heshtur Tom Doshi besimi i socialistëve është që për herë të parë pas tre dekadash Shkodra të qeveriset nga të majtët.
Pasuesi i të përjashtuarit nga PS-ja, Dritan Lela në Vlorë është propozuar të jetë Ermal Dredha, një diplomat karriere që në vitet e fundit ka shërbyer si ambasador i Shqipërisë në Abu Dahbi.
Emri i tij u vendos pasi mbledhjes së Asamblesë së Partisë Socialiste në Vlorë, ku ishte i pranishëm edhe Edi Rama.
Nga votimi i fshehtë i kërkuar nga kryesociliasti për dy kandidatët Ermal Dredha dhe Fate Velaj, asambleja vendosi me shumicë votash që Ermal Dredhës t’i besohet qeverisja e Vlorës për katër vitet e ardhshme.
Ai mori 140 vota nga anetaret e Asamblese se PS ndersa Fate Velaj 30 vota.