E martë, 21 Mars 2023 – 23:30
(KEYSTONE/DPA/Daniel Reinhardt)
Mjekët në spitalet anembanë Gjermanisë dolën sot në protestë në mbështetje të kërkesave për paga më të larta dhe përmirësim të kushteve të punës.
Në Hamburg, rreth 2 000 mjekë marshuan në qendrën e qytetit duke mbajtur pankarta ku shkruhej “Punë e mirë – pagë e mirë” dhe “Të mbingarkuar – të paguar pak”.
Protesta kishte në shënjestër spitalet publike në shtatë nga 16 landet e Gjermanisë dhe spitalet private.
Kujdesi emergjent nuk u pezullua nga protesta, transmeton dpa përcjell albinfo.ch.
Sindikata e mjekëve “Marburger Bund” po kërkon kompensim për inflacionin që nga rritja e fundit e pagave në vjeshtën e 2021, dhe një rritje prej 2,5% të pagave për 55 000 mjekë spitalorë.
Protesta të tjera janë planifikuar në shtetet e tjera më 30 mars.
