E mërkurë, 22 Mars 2023 – 11:00
Pixabay
Tuneli Mont-Blanc do të mbyllet për katër muaj këtë vit – dhe më pas e njëjta gjë për vitin e ardhshëm.
Tuneli është një rrugë kryesore për në Itali dhe përdoret nga 1700 kamionë dhe 3600 makina çdo ditë – ky numër mund të dyfishohet gjatë gushtit.
Pronarët e tunelit thonë se ka shumë punë për të bërë për projektet e njëhershme – dhe një mbyllje afatgjatë është e nevojshme, shkruajnë mediat zvicerane, përcjell albinfo.ch.
Do të jetë hera e parë që tuneli mbyllet për një periudhë të gjatë që kur u rihap në vitin 2002 pas një zjarri që vrau 39 njerëz tre vjet më parë.
Mbyllja do të fillojë në fillim të shtatorit dhe do të rihapet pak para Krishtlindjeve. Do të mbyllet sërish për të njëjtën periudhë të vitit të ardhshëm.
