Këshilltari i VLEN-it në Këshillin e Komunës së Butelit, Behar Rexhepi i është përgjigjur kryetarit të komunës, Darko Kostovski pas deklaratave të tij lidhur me debatin për zbatimin e Ligjit për përdorimin e gjuhëve.
Rexhepi ka kundërshtuar përpjekjet për t’i dhënë karakter etnik një çështjeje që sipas tij, ka të bëjë ekskluzivisht me përgjegjësinë institucionale dhe zbatimin e ligjit.
Ai thekson se kritikat ndaj Kostovskit nuk kanë karakter etnik, por janë kërkesë për respektimin e obligimeve ligjore, duke e porositur që të mos e zhvendosë debatin nga përgjegjësia e tij institucionale drejt përçarjeve etnike.
Rexhepi ka ironizuar edhe me deklaratat e mëparshme të Kostovskit i cili fillimisht i kishte quajtur kundërshtarët e tij “banditë”, ndërsa tani pretendon se ata mbështeten nga banditët.
Në fund, këshilltari i VLEN-it ka qenë i drejtpërdrejtë në mesazhin e tij: përdorimi zyrtar i gjuhës shqipe nuk është çështje vullneti apo favori politik, por obligim ligjor që institucionet duhet ta zbatojnë.
“Ti merre dhe zbatoje ligjin Darko. Përdorimi zyrtar i gjuhës shqipe nuk është çështje vullneti, as favor që dikush mund t’ia bëjë dikujt. Është obligim ligjor dhe përgjegjësia jote është ta garantosh zbatimin e tij. Kaq e thjeshtë!”, ka thënë Rexhepi.

