Një mosmarrëveshje për 400 euro ka përfunduar në Polici mes dy familjarëve në Lipjan.
Sipas raportimit të Sinjalit, bëhet fjalë për M.G., 68-vjeçar, dhe L.G., 47-vjeçare, të cilët janë paraqitur në stacionin policor mbrëmjen e 13 nëntorit, pas një debati lidhur me kthimin e parave.
L.G. kishte deklaruar se një javë më parë ia kishte dhënë M.G.-së rreth 400 euro, por ai nuk ia kishte kthyer shumën pasi ajo e kishte kërkuar.
Të dy kanë deklaruar se mes tyre kishte pasur vetëm debat verbal, pa dhunë fizike apo kërcënime.
Megjithatë, pas konsultimit me prokurorin kujdestar, Policia ka iniciuar rastin si “Dhunë në familje”, i cili do të trajtohet në procedurë të rregullt.