Kryetari i Komunës së Haraçinës, Daut Beqiri, së bashku me këshilltarët komunalë, ka kërkuar rikthimin e linjës së autobusit deri në stacionin e fundit, ashtu siç ka funksionuar më parë.
Çështja u trajtua në Seancën e XVII-të të Këshillit Komunal, ku u theksua nevoja për zgjidhjen e këtij problemi që prek përditshmërinë e qytetarëve.
Me këtë qëllim, kryetari Beqiri dhe këshilltarët komunalë i kanë drejtuar kërkesë zyrtare Ndërmarrjes së Qarkullimit Publik (NQP) në Shkup, duke kërkuar shqyrtimin e mundësisë për rikthimin e linjës deri në stacionin e fundit.
Kërkesa synon përmirësimin e transportit publik dhe lehtësimin e lëvizjes së banorëve të Haraçinës, ndërsa mbetet të shihet përgjigjja dhe zgjidhja që do të ofrojë NQP-ja për këtë çështje./TelevizioniNews
