Informon: Televizioni NEWS
Kryetari i Komunës së Haraçinës, Daut Beqiri, ka njoftuar se ka filluar asfaltimi i pesë rrugëve në komunë, në kuadër të projekteve për përmirësimin e infrastrukturës rrugore dhe kushteve për banorët.
Sipas njoftimit të Beqirit, punimet kanë nisur në rrugën te Basria i Hoxhëve, rrugën te Qenan Haraçina dhe Liridon Bajrami, rrugën te Nexhmedin Jaija, rrugën që çon nga Xhamia Rezistenca, si dhe në Rrugën 11.
Ai ka bërë të ditur se pas përfundimit të këtyre punimeve, asfaltimi do të vazhdojë edhe në Orllancë, Grushinë dhe në Rrugën 10.
Beqiri ka theksuar se investimet në infrastrukturë do të vazhdojnë edhe në periudhën e ardhshme, duke përsëritur angazhimin e tij për zhvillimin e komunës.
“Nuk ka të ndalur, vetëm punë për Haraçinën tonë”, ka shkruar kryetari Daut Beqiri.
