Informon Televizioni News
Shkup – Turneu Ndërkombëtar i Mundjes “Shkupi Open 2026”, i organizuar nga Klubi i Mundjes “Shkupi”, ka mbledhur mundës dhe klube nga vendi dhe jashtë tij, duke promovuar talentin, disiplinën dhe frymën sportive.
Në këtë ngjarje sportive morën pjesë Safije Sadiki Shaini dhe kryetari i Komunës së Çairit, njëherësh bashkëkryetar i VLEN-it, Izet Mexhiti.
Safije Sadiki Shaini theksoi se Ministria e Sportit është ndër mbështetësit e këtij turneu, duke riafirmuar përkushtimin për zhvillimin e mundjes, mbështetjen e klubeve sportive dhe promovimin e talenteve të reja.
Ajo vlerësoi organizimin e turneut nga Klubi i Mundjes “Shkupi” dhe u uroi suksese të gjithë garuesve, me dëshirën që të arrijnë rezultate të reja në arenën sportive.
Mbështetja e aktiviteteve të tilla konsiderohet e rëndësishme për zhvillimin e sportit dhe krijimin e mundësive të reja për sportistët e rinj në vend.
