Fundjavën e ardhshme, natën mes së shtunës dhe së dielës, më 25 tetor, do të kalojmë në orën dimërore. Akrepat do të kthehen një orë prapa: në orën 03:00 do të bëhet 02:00. Kjo do të thotë një orë më shumë gjumë, por edhe se do të errësohet më herët.
Të shtunën, më 24 tetor, dielli do të perëndojë në orën 17:39, ndërsa të dielën, pas ndërrimit të orës, do të perëndojë në orën 16:37.
Përshtatja me ndryshimin e orës është e ndryshme për secilin. Te disa zgjat vetëm disa ditë, ndërsa te të tjerë mund të zgjasë më shumë. Të moshuarit dhe personat me sëmundje kronike këshillohen të kenë kujdes nëse vërejnë ndryshime në gjumë ose në gjendjen shëndetësore. Personat me sëmundje të zemrës duhet ta marrin terapinë sipas udhëzimeve dhe të mos e ndryshojnë orarin e saj pa u këshilluar me mjekun.
Për t’u përshtatur më lehtë, mundohuni të flini e të zgjoheni në orare të ngjashme, të kaloni kohë në dritën e ditës dhe të shmangni pijet me kafeinë në orët e vona të mbrëmjes.