AC Milan po monitoron situatën e mbrojtësit argjentinas Agustín Giay, i cili po tërheq interesimin e disa klubeve të mëdha evropiane përpara afatit kalimtar të janarit.
Sipas gazetarit Matteo Moretto, disa skuadra të njohura janë të interesuara për transferimin e 22-vjeçarit nga Palmeiras. Giay po kalon një periudhë të mirë, ndërsa së fundmi shkëlqeu edhe me një dopietë në ndeshjen kundër Corinthians.
Mbrojtësi i krahut të djathtë ka kontratë me klubin brazilian deri në vitin 2030, ndërsa vlera e tij në tregun e transferimeve raportohet të jetë rreth 20 deri në 25 milionë euro, transmeton ORAinfo.
