Gani Geci ka bërë të ditur se, me ndërmjetësimin e Anton Qunit dhe Fadil Hadergjonajt, në restorantin “Garden” është zhvilluar një takim mes Ismet Mehmetajt, babait të Lirim Mehmetajt, vëllait të tij Rinorit dhe Gani Gecit.
Sipas njoftimit të publikuar nga Gani Geci në rrjetet sociale, familjet janë pajtuar dhe janë zotuar se nuk do të merren më me njëra-tjetrën, as përmes shkrimeve dhe as në paraqitjet televizive.
Ky zhvillim shënon një hap drejt uljes së tensioneve dhe përfundimit të përplasjeve publike mes palëve, pas ndërmjetësimit të dy figurave të njohura, Anton Qunit dhe Fadil Hadergjonajt. (INA)