Zëvendësministri i Arsimit, Driton Sulejmani, në emisionin “Ballë për Ballë” në Televizionin News, ka folur për investimet në infrastrukturën arsimore, duke veçuar edhe Gjimnazin “Sami Frashëri”.
Sulejmani tha se për gjendjen e këtij gjimnazi ishte folur që para pesë vitesh, kur ishte vlerësuar se objekti kishte arritur në një gjendje shumë të rënduar.
Sipas tij, për rreth 20 vite nuk ishte arritur të bëhej përmirësimi i nevojshëm, ndërsa ai theksoi se punimet dhe ndryshimet në këtë institucion janë realizuar në një periudhë rekord.
“Kemi thënë para pesë viteve se Gjimnazi ‘Sami Frashëri’ është nga fundi. Dikush 20 vite nuk ka mundur të arrijë deri këtu, ne e kemi bërë për një kohë rekord”, deklaroi Driton Sulejmani në “Ballë për Ballë”.