Raporton Televizioni News
Një tjetër lajm i rëndësishëm nga futbolli i të rinjve!
Futbollisti i ri Bleron Bajrami ka marrë ftesë për t’iu bashkuar Reprezentacionit U-19 të Maqedonisë së Veriut, për gjeneratën e vitit 2008.
Bajrami, i cili aktualisht është pjesë e ekipit të parë të KF Vardarit, me paraqitjet dhe angazhimin e tij ka bërë hapin e radhës në karrierën futbollistike, duke siguruar ftesën për grumbullimin e përfaqësueses.
Talenti i ri do të jetë pjesë e ekipit U-19 në dy ndeshjet miqësore ndaj Luksemburgut, të cilat do të zhvillohen më 30 shtator dhe 2 tetor 2026, në Luksemburg.
Kjo ftesë për Bleron Bajramin përbën një moment të rëndësishëm në rrugëtimin e tij sportiv dhe një mundësi për të dëshmuar vlerat e tij edhe në arenën ndërkombëtare.
Nga futbolli i klubit, drejt fanellës së përfaqësueses – Bleron Bajrami po hedh një tjetër hap të madh në karrierën e tij! ⚽
Urime Bleronit për ftesën dhe suksese në përfaqësuese! 👏⚽/Televizioni News