Lëvizja ZNAM reagon ndaj publikimeve në të cilat glorifikohet Ratko Mladiqi
Në të njëjtën kohë, ZNAM kundërshton edhe instrumentalizimin politik të kësaj çështjeje jashtëzakonisht serioze, me qëllim krijimin e fajësisë kolektive, ndarjeve etnike dhe konstrukteve politike.
Në politikë ka momente kur kalkulimi politik ditor duhet të ndalet, ndërsa fjalët duhet të kenë peshën e përgjegjësisë. Qëndrimi ndaj krimeve të luftës, viktimave dhe aktgjykimeve të formës së prerë të gjykatave ndërkombëtare është pikërisht një moment i tillë, shkruan Lëvizja ZNAM në reagimin e saj.
“Lëvizja ZNAM për Maqedoninë Tonë dënon në mënyrën më të ashpër krimet e luftës të kryera në hapësirat e ish-Jugosllavisë, përfshirë edhe rastet e Hagës në Maqedoni nga viti 2001, si dhe çdo përpjekje për glorifikimin, relativizimin apo justifikimin e tyre.
Për ne nuk ekzistojnë standarde të dyfishta kur bëhet fjalë për respektimin e viktimave, të drejtës ndërkombëtare dhe vlerave civilizuese. Asnjë krim lufte nuk mund të justifikohet dhe asnjë kriminel lufte i dënuar me vendim të formës së prerë nuk mund të paraqitet si shembull për respekt apo admirim.
Publikimi është qëndrim personal i drejtorit të Agjencisë për Realizimin e të Drejtave të Komuniteteve dhe nuk mund të barazohet me qëndrimin e Qeverisë, as me politikën e bartësve të pushtetit. Përgjegjësia për veprimet e veta publike dhe qëndrimet personale duhet të merret individualisht dhe institucionalisht.
Prandaj, është e paseriozshme dhe politikisht e pandershme të pretendohet se ZNAM ‘hesht’, vetëm sepse nuk kemi reaguar sipas diktatit dhe brenda afatit që dikush nga opozita na ka përcaktuar. ZNAM flet dhe vepron mbi bazën e parimeve të veta.
Nëse vërtet duam të diskutojmë seriozisht për vlerat evropiane, demokracinë, përballjen me të kaluarën dhe respektimin e së drejtës ndërkombëtare, atëherë le të diskutojmë pa etiketim, pa pamflete politike dhe pa konstrukte historike të sajuara për përdorim në funksion të politikës ditore.”
ZNAM dënon çdo glorifikim të krimeve të luftës dhe të kriminelëve të luftës.
Në të njëjtën kohë, ZNAM kundërshton edhe instrumentalizimin politik të kësaj çështjeje jashtëzakonisht serioze, me qëllim krijimin e fajësisë kolektive, ndarjeve etnike dhe konstrukteve politike.
Venko Filipçe dhe LSDM-ja, nga një temë serioze, krijojnë një konstrukt të tërë politik, në të cilin përpiqen të lidhin partitë e pushtetit dhe Lëvizjen ZNAM me Serbinë, Aleksandar Vuçiqin, “botën serbe”, Kinën, Rusinë dhe Kishën Ortodokse Maqedonase (MPC), gjë që për ne përfaqëson një spin klasik politik, qëllimi i të cilit është ta shndërrojë një veprim konkret në një konstrukt më të gjerë për diskreditimin e të gjithë Qeverisë dhe partnerëve të saj të koalicionit.
Në të njëjtën kohë, si Lëvizje dhe subjekt serioz politik, nuk do të lejojmë që të vetëshpallurit si interpretues politikë të na shpjegojnë se çfarë mendojmë, në çfarë besojmë dhe për çfarë angazhohemi.
Qëndrimi i ZNAM-it është i qartë:
NATO dhe BE-ja janë e ardhmja e Maqedonisë!