Qytetarët e Shkupit si duket kanë shpëtuar nga mushkonjat, pas angazhimeve të shruara të institucioneve përkatëse.
Pas spërkatjeve të fundit nga ajri më 20 dhe 21 gusht dhe dezinsektimit tokësor që u zhvillua nga 23 deri më 26 gusht, vërehet gati zhdukje e tërësishme e mushkonjave në kryeqytet, shkruan portali Lideri.mk.
Kjo ka ndodhur edhe falë angazhimeve të shtuara në komunat për rreth, ku poashtu është kryer deainsektim i jashtëzakonshëm.
Nga qyteti i Shkupit paralajmërojnë vazhdim të përpjekjeve konform nevojave që do t’i konstatojnë institucionet shëndetësore, paralajmëron në një deklaratë për portalin Lideri.mk kryetari i Qytetit të Shkupit, Orce Gjorgjievski.
“Jemi në koordinim me Ministrinë e Shëndetësisë dhe me Qendrën për Shëndet Publik dhe bashkërisht me ata caktohen masat e ardhshme. Ne jemi të përgatitur t’i zbatojmë ato masa’, tha në deklaratën për portalin Lideri.mk Gjorgjievski.
Ekipi ynë ka vizituar disa komuna të qytetit të Shkupit dhe kemi hasur në rragime kryesisht pozitive.
‘Tani është shumë më mirë. Pas një kohe të gjatë mund t’i mbajmë dritaret hapur edhe gjatë orëve të natës’, thotë Arbeni 48 vjeç i cili jeton në Çair.
‘Është shumë më mirë tani, vetëm le të vazhdojmë kështu institucionet, mos të ndalen’ shprehet Alksqndri 73 vjeçar bga komuna Karposh.
Pas proczsit të suksesshëm të dezinszktimit edhe institucionet shëndetësore shprehen optimiste se do të bie numri i të infektuarëve nga ethet e Nilit Perëndimor që mori 6 viktima në Shkup, sado që të gjithë pacientët ishin me sëmundje shoqëruese.