Dy persona nga Kumanova do të përballen me masa ligjore për prishjen e rendit dhe qetësisë publike, pasi janë përfshirë në një përleshje fizike në një rrugë në qendër të qytetit.
Rasti është raportuar mëngjesin e 28 gushtit, kur një 47-vjeçar nga Kumanova, me inicialet A.Sh., ka denoncuar në SPB Kumanovë se ishte sulmuar fizikisht nga H.A., 49 vjeç, po ashtu nga Kumanova.
Sipas njoftimit të policisë, incidenti ka ndodhur në rrugën “Borko Tanev” në Kumanovë, rreth orës 07:11.
Pas ndërhyrjes dhe masave të ndërmarra nga zyrtarët policorë, është konstatuar se të dy personat kanë prishur rendin dhe qetësinë publike duke u përfshirë në një përleshje fizike mes tyre.
Policia njofton se pas dokumentimit të plotë të rastit, ndaj personave të përfshirë do të ndërmerren masat përkatëse ligjore.
Rasti mbetet në procedurë për dokumentim të mëtejshëm.