Prokuroria Themelore Publike dhe policia publikuan detaje të reja nga aksioni ndërkombëtar që u njoftua më herët gjatë ditës së sotme. Droga është zbuluar në rimorkion e një automjeti transportues (kamioni), ndërsa njëkohësisht në Maqedoni po kryhen kontrolle në disa lokacione.
Në kuadër të bashkëpunimit ndërkombëtar ndërmjet prokurorive dhe shërbimeve kompetente për luftimin e tregtisë së paligjshme të drogës midis Maqedonisë, Kosovës dhe Greqisë, sot u realizua një aksion i koordinuar në Selanik.
Lajmi prihët pasi pasdite u njoftua se në aksion janë arrestuar anëtarë të një grupi kriminal ndërkombëtar dhe se janë konfiskuar mbi 300 kilogramë marijuanë.
Siç njofton Prokuroria Themelore Publike për Ndeshkimin e Krimit të Organizuar dhe Korrupsionit (PTHP KO), në këtë aksion janë privuar nga liria një shtetas maqedonas dhe një shtetas kosovar.
“Gjatë kontrollit të një automjeti transportues motorik, në rimorkio janë gjetur dhe konfiskuar 324 kilogramë drogë narkotike marijuanë, e fshehur në tetë paleta me letër. Nën udhëheqjen e prokurorit publik nga Prokuroria Themelore Publike për Ndeshkimin e Krimit të Organizuar dhe Korrupsionit, gjatë orëve të pasdites Departamenti i Policisë Kriminalistike kreu bastisje në disa lokacione në territorin e shtetit, me qëllim zbulimin e personave të tjerë eventualisht të përfshirë, si dhe sigurinë e dëshmive dhe me objekteve shtesë që lidhen me veprën penale”, thekson PTHP KO.
Sipas Prokurorisë Themelore Publike për Ndeshkimin e Krimit të Organizuar dhe Korrupsionit, aksioni është rezultat i një bashkëpunimi ndërkombëtar të vazhdueshëm dhe të koordinuar në luftën kundër krimit të organizuar dhe tregtisë së paligjshme të lëndëve narkotike.
Për aksionin ka njoftuar edhe Ministria e Punëve të Brendshme.
“Si rezultat i hetimit disa mujor të koordinuar, sot në Selanik u privuan nga liria një shtetas maqedonas dhe një shtetas kosovar. Gjatë kontrollit të një automjeti transportues motorik, në rimorkio u gjetën dhe u konfiskuan 324 kilogramë drogë narkotike marijuanë, e fshehur në tetë paleta me letër.
Në kuadër të aksionit, Departamenti i Policisë Kriminalistike së bashku me disa sektorë të punëve të brendshme po kryejnë bastisje në disa lokacione në territorin e shtetit, me qëllim zbulimin e personave të tjerë eventualisht të përfshirë dhe sigurinë e dëshmive e objekteve shtesë që lidhen me veprën penale”, njoftoi MPB.
Video në Link: https://plusinfo.mk/razbiena-me-unarodna-kriminalna-grupa-zapleneta-marihuana-akci-ata-prodolzhuva-vo-makedoni-a-i-vo-kosovo/