Bananet nuk janë për njerëzit me diabet? E keni gabim!

Banania është një frut i pasur me vitamina, minerale dhe antioksidantë, por mënyra se si konsumohet mund të ndikojë në nivelin e sheqerit në gjak. Pjekuria e bananes, mënyra e përgatitjes dhe sasia e konsumuar luajnë rol të rëndësishëm në reagimin e organizmit

Banania është një frut i pasur me vitamina, minerale dhe antioksidantë, por mënyra se si konsumohet mund të ndikojë në nivelin e sheqerit në gjak. Pjekuria e bananes, mënyra e përgatitjes dhe sasia e konsumuar luajnë rol të rëndësishëm në reagimin e organizmit.

1. KONSUMOJENI PARA SE TË PIQET PLOTËSISHT. Nëse dëshironi ta mbani sheqerin në gjak më të qëndrueshëm, zgjidhni një banane pak të papjekur (jeshile). Ajo përmban më shumë fibra dhe niseshte rezistente sesa një banane plotësisht e verdhë. Fibrat ndihmojnë në rregullimin e sheqerit në gjak, ndërsa niseshteja rezistente tretet më ngadalë dhe vonon lirimin e glukozës në qarkullimin e gjakut. Me pjekjen e bananes, kjo niseshte shndërrohet në sheqerna si glukoza dhe fruktoza, të cilat mund të rrisin më shpejt nivelin e sheqerit në gjak.
2. ZGJIDHNI BANANET E FRESKËTA OSE TË NGRIRA, JO TË THATA. Bananet e freskëta ose të ngrira kanë më pak gjasa të shkaktojnë rritje të menjëhershme të sheqerit në gjak sesa bananet e thata. Gjatë tharjes hiqet uji, duke e bërë sheqerin më të përqendruar. Si rezultat, frutat e thata çlirojnë sheqerin në gjak më shpejt se frutat e freskëta.
3. KONSUMOJINI NË PORCIONE TË VOGLA. Shoqata Amerikane e Diabetit rekomandon që personat me diabet ose paradiabet të kufizohen në porcione të vogla frutash, si gjysmë banane mesatare në një vakt. Kjo sasi përmban rreth 15 gramë karbohidrate, që konsiderohet një porcion standard. Nëse ndiqni marrjen e karbohidrateve, kontrolloni gjithmonë etiketat e produkteve që përmbajnë banane për të shmangur konsumimin e tepërt të sheqerit.
4. KOMBINOJENI ME PROTEINA OSE YNDYRNA TË SHËNDETSHME. Ngrënia e bananes së bashku me ushqime të pasura me proteina ose yndyrna të shëndetshme ndihmon që sheqeri të përthithet më ngadalë. Kjo ndihmon në mbajtjen më të qëndrueshme të nivelit të glukozës në gjak dhe ju mban të ngopur për më gjatë. Zgjedhje të mira janë kosi, gjiza ose gjalpi i kikirikut.
5. PËRGATITENI SI SMOOTHIE ME AKULL. Disa studime tregojnë se përzierja e bananes me ujë, akull dhe fruta të tjera mund të ulë indeksin glicemik të pijes, pra shpejtësinë me të cilën rritet sheqeri në gjak. Megjithatë, është më mirë të përgatisni smoothie në shtëpi dhe të shmangni ato të gatshme, pasi shpesh përmbajnë akullore, lëngje frutash ose sheqer të shtuar.