Qytetarët tashmë presin me frikë çdo paralajmërim për “masa të reja” nga Mickoski.
Çdo paralajmërim i Mickoskit për uljen e çmimeve përfundon me një shtrenjtim të ri.
Shembulli më i fundit janë karburantet.
Mickoski paralajmëroi uljen e akcizave dhe u mburr me të ashtuquajturat masa për karburante më të lira, ndërsa menjëherë pas kësaj çmimet u rritën sërish ndjeshëm.
Çdo masë e Mickoskit për uljen e çmimeve shkakton një goditje të re financiare për qytetarët.
Qytetarët nuk presin më ndihmë nga Qeveria, por frikësohen se sa do t’u kushtojë masa e saj e radhës.
Kjo është pasojë e drejtpërdrejtë e politikave të dështuara të Qeverisë së Mickoskit dhe VMRO-OKG-së.
Rezultati është i qartë: çmimet rriten, pagat nuk arrijnë ta ndjekin rritjen e shpenzimeve, ndërsa buxhetet familjare zbrazen çdo ditë.
Edhe vetë ministrja e Financave pranoi se pa rishikimin e Buxhetit do të shfaqeshin probleme serioze me pagesën e pagave dhe pensioneve. Ky është një pranim i drejtpërdrejtë se arka e shtetit ndodhet në gjendje kritike dhe se Qeveria ka vënë në pikëpyetje funksionet themelore të shtetit.
Të dhënat e konfirmojnë dështimin ekonomik të Mickoskit. Investimet e huaja direkte janë ulur me mbi 60 për qind, ndërsa shteti, në më pak se dy vjet, është ngarkuar me mbi 2,5 miliardë euro borxh.
Miliarda euro borxh të ri, ndërsa nuk ka investime të reja produktive, nuk ka përmirësim të standardit jetësor dhe nuk ka ndihmë për qytetarët. Paratë shpenzohen, borxhi rritet, ndërsa ekonomia stagnon.
Në të njëjtën kohë, shporta minimale sindikale po i afrohet shumës prej 70.000 denarësh, ndërsa paga minimale nuk e ndjek rritjen e çmimeve. Gjithnjë e më shumë familje nuk arrijnë t’i mbulojnë as shpenzimet bazë mujore.
Shtrenjtimi i ri i karburanteve do të shkaktojë një valë shtesë të rritjes së çmimeve. Do të shtrenjtohen transporti, prodhimi dhe shpërndarja, ndërsa bashkë me to edhe ushqimet dhe produktet e tjera bazë.