Ka ndërruar jetë sot komandanti i Ushtrisë Çlirimtare të Kosovës, Sahit Jashari, nga Prekazi i Skenderajt, një nga figurat e para të organizimit të rezistencës në radhët e saj.
Jashari njihej si njëri nga themeluesit dhe ushtarët e hershëm të UÇK-së, i cili iu bashkua luftës për lirinë e Kosovës që në fazat e saj më të vështira, duke u bërë pjesë e angazhimeve të para të strukturimit të saj.
Ndërkohë, figura e tij është përkujtuar si pjesë e brezit të parë të luftëtarëve të UÇK-së, të cilët kontribuuan në organizimin dhe zhvillimin e luftës çlirimtare në Kosovë.
Familjarë, bashkëluftëtarë dhe qytetarë pritet t’i japin lamtumirën e fundit në vendlindjen e tij në Prekaz.