Partia Socialiste do të fitojë betejat zgjedhore dhe për këtë ndikim të madh jep organizimi i brendshëm i partisë dhe premtimet e mbajtura deri më tani.
Kështu u shpreh kryeministri Edi Rama, gjatë një takimi me banorët në njësinë nr.4.
Lexo edhe :
Related Posts
Në fjalën e tij, Rama tha se PS nuk ka dalë kurrë nga fjala e dhënë, teksa shtoi se në fokus ka qenë gjithmonë qytetari.
“Kemi nisur një proces brenda partisë. Nuk është diçka e re e kemi bërë këtë gjë gjithmonë. Tani ky është momenti për të filluar punën dhe për të projektuar fitoren e zgjedhjeve vendore. Duke e bërë atë që dimë të bëjmë, të fillojmë nga organizimi i forcës tonë politike. Vitin e shkuar morëm një fitore të mrekullueshme dhe dolëm me 83 mandate. Nuk na i fal askush, fitojmë sepse jemi forca më e madhe dhe më e organizuar. Ne jemi një parti politike që asnjë herë nuk ka folur me veten, por jemi përpjekut të flasim me njerëzit dhe të kuptojmë ata.
Nuk na ka dalë gjithmonë ti bëjmë gjërat kur duhen bërë. Jeta sjell shumë të papritura. Sfidat janë të shumta, pandemia, tërmeti, çmimet e naftës nga faktorë të ndryshëm, që janë jashtëparashikimeve tona. Unë besoj që ne mund ta konsiderojmë veten me krenari forcë politike që bën gjërat që thotë. Shembulli është reforma në drejtësi”, tha Rama./vizionplus.tv