Legjenda e Paris Saint-Germain, Rai është i bindur se skuadra pariziene do të dalë fituese në finalen e madhe të Ligës së Kampionëve.
PSG dhe Inter do të përplasen shtunën që po vjen më Munich në finalen e madhe të elitës së futbollit evropian.
Ish-ylli i PSG-së thotë se finalja e ‘Champions-it’ është një moment historik për futbollin parizien.
“Është një moment historik për futbollin parisien”, tha ai.
“Jam shumë i lumtur. Brenda një muaji kemi arritur të ngjisim Paris FC në elitë dhe tani PSG është favorite për finalen e Ligës së Kampionëve”, ka theksuar Rai.
Ai vlerësoi lartë filozofinë e ndjekur nga klubi parisien në zhvillimin e talenteve të rinj, duke theksuar rolin e trajnerit Luis Enrique dhe stafit të tij në këtë sukses.
“Është bërë një punë e shkëlqyer me këtë filozofi që përqafon fuqizimin e sektorit të të rinjve. Një nga pikat më të forta të futbollit francez është formimi i lojtarëve të rinj, përveç punës së palodhur të bërë nga Luis Enrique dhe stafi i tij”, përfundoi Rai.