Barcelona e siguroi titullin e La Ligës me një fitore 2-0 ndaj Espanyol.
Duke folur pas ndeshjes, Raphinha ishte i sinqertë si për rrugëtimin e ekipit ashtu edhe për performancën e tij individuale, transmeton GazetaBlic Sport.
“Është titulli im i dytë në ligë dhe shpresoj të mos jetë i fundit”, tha Raphinha. “Çelësi ishte të përqendroheshim te vetja. Nuk kishim nevojë të mendonim për Madridin apo për atë që po bënin të tjerët. Nëse përqendrohemi te puna jonë, përmirësojmë shanset tona. Kjo është ajo që bëmë.”
Anësori brazilian nuk hezitoi të kritikonte as paraqitjen e tij. “E dinim që patëm një pjesë të parë shumë të dobët, por ishim më të mirë në pjesën e dytë. Individualisht, ishte një nga ndeshjet e mia më të këqija këtë sezon.”
Raphinha foli gjithashtu për periudhën e vështirë të ekipit në fillim të sezonit. “Në janar, njerëzit thanë se kishim mbaruar. Se do të ishim me fat nëse do të luftonim për vendin e tretë. Por ne kurrë nuk e humbëm besimin. Ishte në duart tona dhe ia dolëm”, përfundoi sulmuesi brazilian.
/GazetaBlic Sport/