Trajneri i Milan, Sergio Conceicao, e ka pranuar të martën se fati evropian i “Rossonerëve” varet tashmë vetëm nga suksesi në Coppa Italia.
Me skuadrën që ndodhet gjashtë pikë larg zonës evropiane në Serie A dhe pa shpresë për një vend në Champion League, Conceicao ka theksuar rëndësinë jetike të përballjes së së mërkurës ndaj Inter, në ndeshjen kthyese të gjysmëfinales së Coppa Italia.
“Është një ndeshje e rëndësishme për të gjithë: lojtarët, klubin dhe tifozët, dhe ne jemi të vetëdijshëm për këtë,” është shprehur Conceicao në konferencën për shtyp. “Për fat të keq, nuk kemi më mundësi në kampionat, madje as për Champions League, prandaj fokusi ynë i vetëm është nesër. Për ne kjo ndeshje është thelbësore, sepse duam të fitojmë dhe t’u dhurojmë tifozëve një trofe”.
Dueli i parë mes Milan dhe Inter kishte përfunduar me barazim 1-1, çka e bën edhe më vendimtare sfidën e së mërkurës në “San Siro”, ku një fitore do t’i siguronte “kuqezinjve” një vend në finalen e madhe dhe do të mbante gjallë shpresat për të shpëtuar sezonin.
“Motivimi nuk vjen nga kundërshtari, por nga puna jonë e përditshme”, ka shtuar trajneri portugez, duke u përpjekur