Zëvendëskryeministri i parë i Maqedonisë së Veriut dhe Ministër i Çështjeve Evropiane, Bekim Sali, është takuar në Vilnius me zëvendësministrin e Punëve të Jashtme të Lituanisë, Sigitas Mitkus. Në fokus të takimit ishin reformat, Plani i Rritjes dhe integrimi gradual në tregun evropian.
Sali tha se bashkëpunimi me ekspertët lituanezë ka ndihmuar modernizimin e institucioneve dhe se synohet të zgjerohet në fushat e transformimit digjital dhe të menaxhimit të fondeve evropiane.
“Për qytetarët, integrimi duhet të matet edhe me rezultate: pagesa ndërkufitare më të lira përmes SEPA-s dhe mundësi të reja për bizneset”, theksoi Sali.
