Partitë shqiptare në opozitë, PDSH dhe Lidhja Shqiptare kundërshtojnë propozim zgjidhjen për çështjen e jurisprudencës. Menduh Thaçi tha se nuk bëhet fjalë për të drejta individuale, të cilat në një proces gjyqësor i siguron secili shtet në botë, por për të drejta kolektive. Duke folur për zgjedhjet e mundshme të parakohshme, Thaçi tha se pas humbjes së Vuçiqit, Mickoski do të përpiqet që ti shtyjë zgjedhjet sa më shumë të jetë e mundur. I bën thirrje VLEN-it që të braktisë Qeverinë dhe të shkaktojë krizë politike.
LEXO EDHE:
Dhuna në familje nuk ndalet, 15 raste të reja të raportuara në vend
15.11.2026
Qytetarët paguajnë nga xhepi për shëndetësinë, KE evidenton mangësitë në sistem
15.11.2026
“Humbja që pati Qeveria në raundin e dytë në zgjedhjet lokale në Bërvenicë s’kishte të bëjë me fitoren e dikujt por kishte të bëjë me bashkimin e të gjithë të tjerëve për ta mundur Qeverinë. Dhe atë në një zonë ku Qeveria llogaritet shumë e fuqishme, pra është mesazhi i parë për kryeministrin se cilat do zgjedhje që të vijnë, qoftë të hershme, qoftë të rregullta, ai nuk do ta ketë 61shin dhe për të është lajm i keq. Lajmi i dytë i keq është humbja e Vuçiqit, lidhjet e tij dhe partisë së tij me Vuçiqin, Orbanin dhe të tjerët i trishton humbja e këtyre njerëzve të cilët i llogarisin si të super fuqishëm” / deklaroi Menduh Thaçi – Kryetar i PDSH-së
Thaçi i bëri thirrje VLEN-it që të braktisë Qeverinë dhe të shkaktojë krizë politike.
“Unë sinqerisht mendoj dhe u apeloj atyre që të shqyrtojnë pjesëmarrjen e tyre në këtë Qeveri dhe mundësisht të tërhiqen dhe të shkaktojnë krizë politike pasi tashmë nuk diskutohet se Qeveria e ardhshme do t’i humbë zgjedhjet, e se VLEN-i do të jetë ekstrem pakicë në zgjedhjet e ardhshme, apo do të ketë shumë pak vota, kjo absolutisht nuk diskutohet.” / deklaroi Menduh Thaçi – Kryetar i PDSH-së
Lidhja Shqiptare e Ziadin Selës ende nuk ka vendosur se si do të garojnë në zgjedhjet e ardhshme parlamentare kurdo që mbahen ato. Në intervistë për Alsat, Naim Bajrami nga kjo parti theksoi se deputetët e tyre në Kuvend po përgatisin ndryshime ligjore në ligjin për Qeveri.
“Sa i përket zgjedhjeve parlamentare. Ne këto ditë, deputetët tanë do të mundohen të reagojnë përmes ndryshim plotësimit të ligjit për Qeveri i cili do të parasheh që Qeveria e ardhshme të formohet me shumicën e kualifikuar apo shumicën e Badenterit. Kjo është e rëndësishme për shqiptarët. Nuk është vetëm lojë politike, por është një qëndrim që do të na vë themelet për të ardhmen politike tonën, përndryshe do të jemi cirkuzantë politik” / deklaroi në Alsat – Naim Bajrami, Lidhja Shqiptare
Pavarësisht zërave për zgjedhje të parakohshme, kryeministri Mickoski tha se shteti nuk mund t’i lejojë vetes zgjedhje të parakohshme shkaku ngarkesës financiare në dy vitet e ardhshme. Partnerët e koalicionit Qeveritar VRO DPMNE, VLEN dhe Znat pritet të takohen në dhjetor./ Alsat.mk