Kryetari i Komunës së Haraçinës, Daut Beqiri, ka pritur sot në takim drejtorin e Byrosë për Zhvillim Rajonal, Shaban Allajbegu.
Gjatë takimit është diskutuar për mundësitë e mbështetjes së Komunës së Haraçinës përmes projekteve të reja zhvillimore, me theks të veçantë në mbështetjen financiare nga Byroja për Zhvillim Rajonal për një pjesë të projektit të ndërtimit të sheshit të ri në Haraçinë.
Sipas njoftimit të Beqirit, drejtori Allajbegu ka shprehur gatishmërinë për të mbështetur komunën edhe në projekte të tjera në të ardhmen.
Beqiri ka theksuar se bashkëpunimi institucional dhe përkushtimi për realizimin e projekteve konkrete synojnë të sjellin më shumë investime dhe të kontribuojnë në zhvillimin e Haraçinës dhe mirëqenien e qytetarëve.
Informon Televizioni News.