Pesëmbëdhjetë arsimtarë dhe punonjës të stafit teknik në shtatë shkolla fillore të Komunës së Sarajit kanë marrë vendime për punësim të përhershëm.
Kryetari i Komunës së Sarajit, Muhamet Elmazi, ka ndarë kontratat e reja, duke theksuar se ky hap krijon siguri për punonjësit dhe kontribuon në stabilitetin e sistemit arsimor.
“Çdo kontratë e përhershme sjell siguri për një familje dhe angazhim më të madh për cilësinë e mësimdhënies. Arsimtarët dhe stafi teknik janë shtylla e shkollave tona dhe meritojnë respekt, vlerësim e stabilitet”, ka deklaruar Elmazi.
Kontratat janë ndarë në shtatë shkolla fillore: “Dituria” në Saraj, “I. Palikuqa” në Bojanë, “F. Konica” në Radushë, “B. Tairi” në Svillare të Poshtme, “S. Frashëri” në Gllumovë, “B. Shabani” në Kondovë dhe “E. Duraku” në Bukoviq.
Elmazi ka theksuar se Komuna do të vazhdojë të investojë në arsim, duke e cilësuar atë si themelin e së ardhmes