Kryeministri Hristijan Mickoski do të marrë pjesë nesër në Samitin e Procesit të Berlinit, që do të mbahet në Shën Stefan të Malit të Zi.
Në fokus të takimit do të jenë bashkëpunimi ekonomik rajonal, siguria, konkurrueshmëria dhe përshpejtimi i integrimit të Ballkanit Perëndimor në Bashkimin Evropian.
Në samit do të marrin pjesë liderët e rajonit, si dhe kancelari gjerman Friedrich Merz, i cili mbështet procesin e integrimit evropian të vendeve të Ballkanit Perëndimor.
Gjatë seancës kryesore, Mickoski pritet të paraqesë qëndrimet dhe mundësitë e Maqedonisë së Veriut për avancimin e bashkëpunimit ekonomik dhe të integrimit evropian.
Samiti shënon përmbylljen e kryesimit të Malit të Zi me Procesin e Berlinit.