Raporton: Televizioni News
Një investim i ri në industrinë automobilistike pritet të sjellë 2.000 vende të reja pune në Manastir. Kompania ndërkombëtare “Kromberg & Schubert” planifikon të nisë një projekt të ri investues në zonën industriale Zhаbeni, ku do të prodhohen komponentë për gjigantin gjerman të automobilizmit, Audi.
Lajmin e ka bërë të ditur Venera Azizi, e cila e ka cilësuar këtë projekt si një zhvillim të rëndësishëm për ekonominë vendore dhe perspektivën e punësimit.
Sipas saj, investimi dëshmon besimin e kompanive ndërkombëtare në potencialin e vendit, fuqinë punëtore dhe kapacitetet prodhuese.
Projekti parashikon përdorimin e teknologjive bashkëkohore dhe digjitalizimin e proceseve të prodhimit, duke krijuar mundësi të reja për zhvillimin ekonomik të Manastirit, rritjen e potencialit eksportues dhe punësimin e qëndrueshëm.
“Qëllimi ynë është i qartë: më shumë investime, më shumë vende pune dhe standard më të mirë jetese për qytetarët”, thekson Venera Azizi.