Qenan Saqipi i lindur më 12 janar 1973,në fshatin Opajë të komunës së Likovës.Shkollën fillore e mbaroi në vendlindjen e tij,në fshatin Opajë.
Përshkak të mbylljes së shkollës së mesme në gjuhën shqipe në Kumanovë,si shumë të tjerë u detyrua që shkollimin e mesëm t’a filloj në vitin 1988/89,në gjimnazin ,,Zenel Hajdini” në Gjilan, Republika e Kosovës ku dhe mbaroi në vitin 1992.
Pas mbarimit të shkollës së mesme,studimet univerzitare i filloi në Univerzitetin e Prishtinës në Fakultetin e Stomatologjisë.Gjatë viteve të studimeve,situata politike në Kosovë vazhdimisht përkeqësohej nga represioni sërb ku nga kjo situatë organizoheshin demostrata studentore ku shpesh herë ishte pjesëmarrës në këto demostrata.Në vitin 1998,filloi lufta për çlirimin e Kosovës ku edhe u mbyllën fakultetet.
Studimet i vazhdoi në Tiranë,në Fakultetin e Stomatologjisë ku dhe i mbaroi në vitin 2001.
Menjëherë pas mbarimit të fakuletit i bashkohet Ushtrisë Çlirimtare Kombëtare dhe përvojën e tij të parë si stomatolog e filloi në uniformën e UÇK-ës në Spitalin Ushtarak në Likovë,ku edhe shërbeu deri në mbarimin e luftës së 2001-shit,dhe pas amnestisë kthehet në Kumanovë.
Në vitin 2002 u punësua si stomatolog në Shtëpinë e Shëndetit në Kumanovë dhe njëkohësisht hapi klinikën e tij stomatologjike private ,,Meida-Dent’’.
Në vitin 2009 filloi specializimin në Fakultetin e Stomatologjisë në Shkup.Në vitin 2011/12 përfundoi me sukses dhe mori titullin Specialist i Stomatologjisë së Fëmijëve dhe Preventive.
Në vitin 2012 vazhdoi studimet pasuniverzitare në Univerzitetin,, Shën Kiril dhe Metodij,, në Fakultetin e Stomatologjisë në Shkup dhe në vitin 2014 me sukses mbrojti temën e magjistraturës dhe merr titullin Magjistër i Shkencave të Stomatologjisë .
Në vitin 2012 themelohet për herë të parë institucioni shëndetësor- Shtëpia e Shëndetit ,,Likovë”në Komunë e Likovës ku dhe emërohet Drejtor i këtij institucioni shëndetësor.
Gjatë udhëheqjes dhe menaxhimit të këtij institucioni nga viti 2012 deri në fund të vitit 2019 dha një kontribut të jashtëzakonshëm në themelimin,mbarëvajtjen e punës si dhe zhvillimin dhe avancimin e Shtëpisë së Shëndetit.
Në vitin 2020 kthehet në Shtëpinë e Shëndetit në Kumanovë ku edhe sot e kësaj dite vazhdon të punon dhe të kontriboj si doktor i stomatologjisë në shërbimin emergjent stomatologjik në shërbim të qytetarëve të komunës së Kumanovës dhe Likovës.
Njëkohësisht doktor Qenan Saqipi tash më 22 vite sëbashku me stafin e tij profesional,me shumë vullnet dhe përkushtim menaxhon dhe punon suksesshëm edhe në klinikën e tij stomatologjike ,,Meida-Dent,,në Kumanovë.
