Pas publikimit të rezultateve të para të zgjedhjeve të përgjithshme në Bosnjë e Hercegovinë, kandidati i koalicionit “Të Bashkuar për shtetin e BiH”, Denis Beçiroviq, shpalli fitoren dhe falënderoi qytetarët për besimin.
“Para nëntë muajsh më kërkonin të tërhiqesha dhe të dorëzohesha. Madje më dërgonin letra duke pretenduar se nuk do ta përballoja atë që më ishte përgatitur. Nëntë muaj më vonë mund të them: nuk u dorëzova, fitova”, deklaroi Bećirović.
Ai tha se nuk do ta festojë fitoren, duke theksuar se në vend ende ka qytetarë që përballen me mungesë të energjisë elektrike dhe ujit, ndërsa shumë familje kanë vështirësi ekonomike.
Bećirović falënderoi votuesit, por edhe ata që nuk votuan për të, duke bërë thirrje për dinjitet pas zgjedhjeve.
Ai u shpreh se rruga e Bosnjë e Hercegovinës drejt Bashkimit Evropian duhet të vazhdojë dhe kërkoi mbështetje më të madhe nga BE-ja.
“E ardhmja e rajonit tonë nuk është te modeli rus, por te ai evropian. Mesazhi im për Bashkimin Evropian është: ndihmojeni Bosnjë e Hercegovinën”, tha Bećirović.