Komisioni Evropian ka disbursuar 2.9 miliardë euro për Ukrainën, në kuadër të programit “Ukraine Facility”, për të mbështetur nevojat financiare të vendit, funksionimin e administratës publike dhe zbatimin e reformave.
Ky është disbursimi i tetë në kuadër të programit dhe e çon mbështetjen e përgjithshme të BE-së përmes Planit për Ukrainën në mbi 32 miliardë euro.
Sipas Komisionit Evropian, pagesa u bë pasi Ukraina përmbushi një sërë reformash në fusha si gjyqësori, tregjet financiare, energjia, transporti, bujqësia dhe tranzicioni i gjelbër.
BE-ja ka parashikuar gjithashtu 90 miliardë euro kredi për Ukrainën për vitet 2026–2027, për mbështetje buxhetore dhe forcimin e kapaciteteve mbrojtëse.