Bashkëkryetari i VLEN-it, Izet Mexhiti ka komentuar spekulimet për rikthimin e tij të mundshëm në Bashkimin Demokratik për Integrim, përcjell TV21. Mexhiti, i cili aktualisht është në SHBA thotë se do të vazhdojë kauzën që ka nisur me VLEN.
“Të dashur bashkëudhëtarë të rrugëtimit tonë, Siç e dini, vendimet gjithmonë i kam marrë bashkë me Ju. Çdo vendim, sado i thjeshtë apo i vështirë, e kemi diskutuar gjërë e gjatë dhe në fund së bashku kemi vendosur. Kur kemi vendosur, unë dhe Ju, i kemi qëndruar me fanatizëm deri në fund çdo beteje, i kemi qëndruar besnik parimeve dhe qëndrimeve tona! Spekulimet nuk mund të përcaktojnë rrugën tonë të përbashkët. Le të flasin. Le të shkruajnë. Le të kalkulojnë. Ne kemi para vetes kauzën tonë. Sepse ia VLEN të punojmë me vendosmëri për një qëllim të vetëm: të bëjmë më të mirën për qytetarët. Rrini rahat! Nga Amerika e lirisë, përzemërsisht, Izeti!”, ka shkruar Mexhiti.