Ish-deputetja, Aida Dërguti, ka tentuar të ndalohet nga Policia e Kosovës, teksa kjo e fundit po shkonte drejt protestës së organizuar nga ora 12:00 në mbrojtje të ish-krerëve të UÇK-së.
Nga pamjet e siguruara nga Kallxo.com, shihet se teksa policia tentoi ta ndalonte Dërgutin, ndërhyu një qytetar duke e larguar atë nga policia.
Sipas videos, Dërguti u ndalua nën pretendimin se e kaloi rrugën pa respektuar rregullat e komunikacionit.
Deri më tani, nuk ka pasur ndonjë version zyrtar të Policisë së Kosovës për rastin.