Prodhuesit kinezë të automjeteve elektrike (EV) arritën një moment historik në Europë muajin e kaluar, me shitjen e tyre që kaluan 15% për herë të parë, treguan të dhënat, pasi kërkesa mbetet e fortë pavarësisht tarifave të importit të BE-së, shkruan “CGTN”.
Shitjet e makinave plotësisht elektrike nga markat “BYD” dhe “Chery” u dyfishuan në baza vjetore në prill në 38.281 njësi, sipas faqes analitike të automobilave “Dataforce”.
Markat kineze tani përbëjnë gati 10% të tregut total të makinave në Europë dhe pothuajse 29% të shitjeve hibride plug-in të rajonit, duke shënuar zgjerimin e tyre të shpejtë nga vetëm disa mijëra shitje mujore të EV në vitin 2021.
foto nga VCG
Të nxitur nga çmimet konkurruese dhe teknologjia e përparuar, prodhuesit kinezë të makinave po përshpejtojnë prodhimin vendas në Europë për të forcuar terrenin, me “BYD” që ndërton fabrika të reja dhe të tjerë që bashkëpunojnë me prodhuesit europianë të automjeteve si “Stellantis” për të ndarë fabrikat e papërdorura.
Një studim i fundit nga “Horvath & Partner” tregoi se interesi i konsumatorëve europianë për të blerë makina kineze ose SUV u rrit nga 43% në 55% midis fundit të vitit 2023 dhe fundit të vitit 2025, ndërsa pjesa e atyre që përjashtonin një blerje kineze u përgjysmua në 21%.
foto nga VCG