Autoritetet iraniane kanë lëshuar një listë kërkesash që Shtetet e Bashkuara të Amerikës duhet të përmbushin përpara se të rihapet Ngushtica e Hormuzit.
Mediat shtetërore iraniane publikuan listën, e cila përfshin masa të tilla si heqja e bllokadës detare amerikane, tërheqja e forcave ushtarake dhe përfundimi i përhershëm i luftës.
Shefi i sigurisë kombëtare të Teheranit, Mohammad Bagher Zolghadr, gjithashtu bën thirrje që SHBA-ja të kompensojn Iranin për dëmet e shkaktuara nga konflikti dhe të lirojnë asetet e ngrira iraniane.
“Këto janë kërkesat e popullit iranian, të cilat ata i kanë shpallur me zë të lartë gjatë 160 ditëve të pranisë së palëkundur në terren dhe në rrugë,”, tha ai.
Veçmas, Irani dhe Omani kanë sinjalizuar se janë pranë një marrëveshjeje për menaxhimin e rrugës kryesore ujore, raporton CNN, transmeton Klankosova.tv.
Burimet i tregojnë CNN-it se kryetari i Shtabit të Përbashkët të Ushtrisë e ka bërë të qartë privatisht se SHBA-ja duhet të gjejë një rrugëdalje nga lufta me Iranin, sepse opsionet ushtarake në tryezë për të përshkallëzuar konfliktin mund të kenë efekte të kundërta.
Ndërkohë, media shtetërore iraniane ndau një video pa datë të Udhëheqësit Suprem Mojtaba Khamenei, i cili nuk është shfaqur publikisht që kur është bërë autoriteti më i lartë politik dhe fetar i vendit.
Postimi nuk dha detaje mbi kohën e xhirimeve dhe ka të ngjarë të nxisë vetëm spekulime mbi vendndodhjen dhe shëndetin e tij.