Deputeti i zgjedhur i Aleancës Besnik Tahiri, deklaroi në emisionin DPT te Fidani në Klan Kosova se kryeministri në detyrë iu ka shpallur luftë mediave.
Ai iu referua veprimeve të Albin Kurti, i cili zgjedh të heshtë para gazetarëve dhe të mospërgjigjet sa i përket krijimit të institucioneve.
“Ky ka kohë të gjatë që iu ka shpallur luftë mediave. Në kuptimin luftë mediave, nuk ka konferenca, nuk ka intervistime, nuk ka debate, nuk ka ballafaqim”, deklaroi Tahiri.
Tahiri theksoi se kjo qeveri nuk i jep llogari as Kuvendit e as qytetarëve.