Halim Hyda ka bërë të ditur se ka qenë pjesë e organizimit të Konferencës Ndërkombëtare të Sigurisë në Shkup 2026, në cilësinë e Këshilltarit për organizimin e konferencës dhe drejtorit.
Përmes një postimi, ai e cilësoi si nder dhe privilegj pjesëmarrjen në këtë ngjarje të rëndësishme ndërkombëtare, duke theksuar rëndësinë e bashkëpunimit dhe shkëmbimit të përvojave në fushën e sigurisë.
“Në këto fotografi kam kënaqësinë të jem së bashku me disa nga pjesëmarrësit dhe personalitetet e kësaj konference: Drejtorin Dr. Ardijan Ismaili, z. Jovan Tegovski – Kryetar i Këshillit të Ambasadorëve, si dhe Ambasadorin e Konfederatës Helvetike në Republikën e Maqedonisë së Veriut, z. Christoph Sommer”, ka shkruar Hyda.
Ai theksoi se vetëm përmes edukimit të vazhdueshëm, bashkëpunimit institucional dhe shkëmbimit të përvojave profesionale mund të ndërtohet një shoqëri më e sigurt, më e qëndrueshme dhe më e zhvilluar.
“Besoj fuqishëm se vetëm përmes edukimit të vazhdueshëm, bashkëpunimit dhe shkëmbimit të përvojave mund të ndërtojmë një shoqëri më të sigurt dhe më të zhvilluar, duke sjellë prosperitet për vendin tonë”, u shpreh ai.
Në fund, Hyda falënderoi organizatorët, pjesëmarrësit dhe të gjithë kontribuuesit për realizimin me sukses të konferencës, duke e vlerësuar atë si një ngjarje me rëndësi të veçantë ndërkombëtare./Televizioni News