Edona Arifi-Sadiku mbron me sukses doktoraturën dhe fiton titullin Doktor Shkence në Arkitekturë
Sot, në Universitetin “Shën Cirili dhe Metodi” në Shkup, Edona Arifi-Sadiku mbrojti me sukses punimin e saj të doktoraturës me temë: “Teoria e efemeritetit në arkitekturë dhe enterier përmes analizës së objekteve publike ekzistuese nga viti 2010 deri më sot në Republikën e Maqedonisë së Veriut”.
Pas mbrojtjes së suksesshme të disertacionit, ajo fitoi titullin Doktor Shkence nga lëmia e arkitekturës, duke shënuar një arritje të rëndësishme në rrugëtimin e saj akademik dhe profesional.
Ky sukses është rezultat i përkushtimit, punës së palodhshme dhe angazhimit shumëvjeçar në fushën e studimeve dhe kërkimit shkencor.
Arritja e saj përbën një krenari për familjen, kolegët dhe rrethin akademik. Edona Arifi-Sadikut i urojmë suksese të mëtejshme në karrierën e saj shkencore dhe profesionale./Televizioni News
