Zëdhënësja e Qeverisë, Venera Latifi Azizi në emisionin “Impakt” në TV Shenja ka bërë të ditur se Ligji për përfaqësim të drejtë dhe adekuat ka kaluar leximin e parë si dhe debatin publik dhe do të vazhdojë me procedurat derisa të ndodhë votimi përfundimtar në Kuvend.
Sipas saj, akuzat e opozitës nuk mbajnë, sepse siç shton, “ata vetë e hoqën balancuesin”.
Ajo madje këtë e ka dëshmuar përmes dokumenteve.
“E hoqën vetë, pikërisht në qershor të vitit 2023, kam këtu një mendim pozitiv që ka dhënë Bujar Osmani kur atëherë ishte ministër, një tjetër mendim pozitiv për heqjen e balancuesit nga Kreshnik Bekteshi, nga Ministria e Drejtësisë që drejtohej asokohe nga Krenar Lloga, një tjetër mendim pozitiv nga ana e Fatmir Besimit. Pastaj, një tjetër mendim pozitiv nga Jeton Shaqiri dhe tjetri nga Fatmir Mexhiti që janë vetëm në maqedonisht. Në bazë të kësaj pyetja është retorike; A kanë të drejtë të flasin se më mirë na qenka balancuesi apo Ligji”, ka pyetur Azizi.
Ajo tha se me këtë ligj rregullojnë gjithçka, ekziston Trup koordinativ që do ta drejtojë zv/kryeministri i parë Bekim Sali ku bëjnë pjesë edhe organet tjera përbërëse si Ministria e Financave, ajo për Administratë publike ku që në start ka edhe sanksione.