Kryeministri i vendit dhe lideri i VMRO-DPMNE-së, Hristijan Mickoski, ka paralajmëruar lëvizje të rëndësishme politike menjëherë pas 17 qershorit, datë kur partia e tij feston ditëlindjen në Strumicë. Sipas kreut të ekzekutivit, fill pas këtij manifestimi, kabineti qeveritar do t’i nënshtrohet një procesi rikonstruksioni.
“Java e ardhshme pas ditëlindjes së partisë, e cila do të jetë më 17 qershor në Strumicë, do të fillojmë bisedimet me partnerët e koalicionit qeveritar rreth rikonstruksionit të Qeverisë”, ka deklaruar prerazi kryeministri Mickoski.
Nga pozita e kreut të Qeverisë, Mickoski ka komentuar edhe retorikën e opozitës (LSDM), e cila akuzon ekzekutivin për shpenzim të parave të shtetit dhe insiston se vendi nuk ka nevojë për zgjedhje të parakohshme.
Kryeministri u shpreh se nuk ndërhyn në strategjitë e tyre, por theksoi se çdo qeveri serioze në gjysmën e dytë të mandatit duhet të jetë e gatshme për përballje zgjedhore. Ai nuk ka kursyer as kritikat ndaj eksponentëve të opozitës, duke i akuzuar ata për “prapakthehu” politik.