Sulejmani: 30 qershori është afër, lëvizim sigurt drejt agjendës reformuese

Sulejmani: 30 qershori është afër, lëvizim sigurt drejt agjendës reformuese Zëvendësministri i Arsimit dhe përfaqësuesi i VLEN-it, Driton Sulejmani i ftuar në emisionin “Top Tema” në Televizionin Telma ka thënë se si qeveri po lëvizin mirë drejt agjendës reformuese dhe këtë do ta dëshmojë edhe Raporti i KE-së për Maqedoninë e Veriut më 30 qershor. “Jemi afër 30 qershorit dhe do të shihni se qeveria ka punuar në agjendën reformuese në të gjitha pikat dhe do të bindeni për këtë”, ka thënë Sulejmani. Duke folur për arsimin, ai ka thënë se në fazën e fundit janë tre ligjet për arsimin e lartë, ndërsa si projekte kryesore të qeverisë ka përmendur madje edhe autostradën Shkup- Bllacë si dhe Korridorin 8, të cilat gjatë mandatit të BDI-së mbetën vetëm premtim. “Për shkurt kohë do të fillojë edhe autostrada Shkup- Bllacë që ju e keni premtuar mbi 20 vite, ndërtohet Korridori 8, në kohën tuaj nuk është ndërtuar asnjë kilometër. Tani është ndërtuar më shumë se 50 kilometra. Në kohën tonë rruga Shkup- Bllacë do të përfundojë”, ka thënë Sulejmani, duke i replikuar përfaqësueses së BDI-së, Arta Bilall Zendeli. Sulejmani madje përmendi se kryeministri shqiptar i instaluar në kohën e qeverisjes së BDI-së, solli ligj vetëm në gjuhën maqedone, jo edhe për gjuhën shqipe.