Enti Shtetëror i Revizionit (ESHR) ka nxjerrë në dritë një tjetër skandal të rëndë të keqmenaxhimit me paratë publike, kësaj radhe në Institucionin Nacional “Teatri Shqiptar – Shkup” për vitin 2024.
Pas një kontrolli të hollësishëm të llogarisë së buxhetit bazë, revizorët kanë dhënë opinion të pafavorshëm për realitetin dhe objektivitetin e pasqyrave financiare, si dhe opinion me rezervë për pajtueshmërinë e institucionit me ligjet dhe rregulloret në fuqi.
Raporti zbulon se 20% e aktorëve të punësuar nuk kanë pasur asnjë angazhim gjatë gjithë vitit 2024.
Dy aktorë kanë marrë paga të plota mujore pa u angazhuar në asnjë shfaqje të vetme të repertorit, njëri që nga viti 2011 dhe tjetri nga viti 2019! Për më tepër, atyre u janë paguar rrogat pa pasur asnjë dëshmi apo vërtetim për praninë e tyre në vendin e punës.
Revizioni ka konstatuar se institucioni ka funksionuar jashtë çdo rregulli tregtar dhe ligjor:
Qira me vlerësime subjektive: Hapësirat e Teatrit janë lëshuar me qira pa asnjë kriter të qartë, ku çmimet varionin në mënyrë drastike nga 10.000 deri në 240.000 denarë.
Bileta pa çmim zyrtar: Teatri ka shitur bileta për shfaqjet e tij pa pasur fare çmime të përcaktuara zyrtarisht.
Mungesë e inventarit: Nuk është kryer as regjistrimi i rregullt i pasurisë dhe nuk ekziston asnjë evidencë materiale për mjetet që posedon teatri.
Revizioni zbuloi parregullsi edhe rreth
funksionimit të Këshillit Drejtues, organizimin e brendshëm dhe sistematizimin e vendeve të punës, si dhe shfrytëzim i papërshtatshëm i hapësirave të parkimit të dedikuara për publikun. M.
Në këtë periudhë, pra kryesisht gjatë 2024 Gjatë drejtorë në Teatrin Shqiptar në Shkup kanë qenë Adem Kraga, Vjollca Bekteshi-Hamiti dhe Hismet Ramadani.(INA)