Moti sot në Shqipëri vijon me diell dhe temperatura të larta, ndërsa në disa zona vijon me alternime kthjellimesh dhe vranësira kalimtare në orët e mesditës.
Prej orëve të mesditës deri pasdite, në relievet malore të vendit, reshje shiu të herëpashershme me intensitet të ulët. Në relievet malore në lindje dhe malësitë e zonës së jugut, hera-herë, reshje në formën e shtrëngatave afatshkurtra.
Temperaturat e ditës do të jenë nga 14 gradë në orët e mëngjesit deri në 33 gradë celsius. Në zonat bregdetare moti do të jetë me temperatura mbi 30 gradë.
Kosovë
Sipas parashikimit të Institutit Hidrometeorologjik të Kosovës (IHMK), sot më 09.06.2026, do të mbajë mot kryesisht me diell dhe pjesërisht i vranët.Vranësirat do të jenë më të theksuara në zonat malore, por pa kushte për reshje domethënëse.Temperaturat minimale do të lëvizin ndërmjet 10 dhe 13 gradë Celsius, ndërsa ato maksimale do të arrijnë nga 26 deri në 29 gradë Celsius.Do të fryjë erë e lehtë nga drejtimi verilindor, me shpejtësi prej 1 deri në 5 metra në sekondë.
Maqedonia e Veriut
Moti sot në Maqedoninë e Veriut do të jetë kryesisht me diell dhe i ngrohtë me vranësira të pakta deri në mesatare. Pasdite pritet paqëndrueshmëri lokale, e cila do të sjellë shira të rrëmbyeshëm afatshkurtër, bubullima, erëra të forta dhe mundësi për breshër të izoluar.
Temperaturat e mëngjesit do të variojnë nga 8 deri në 19 gradë, ndërsa temperaturat maksimale ditore do të arrijnë nga 26 deri në 34 gradë Celsius.
Në Shkup, moti do të jetë me diell dhe i ngrohtë, me vranësira të pakta deri në mesatare. Në disa pjesë të luginës, priten kushte për shira të rrëmbyeshëm afatshkurtër, bubullima dhe erëra të forta në pasdite. Temperatura minimale në kryeqytet do të jetë rreth 15 gradë, ndërsa maksimale do të arrijë deri në 33 gradë.