Naim Alili: “Komandant Tigri ra heroikisht, por mbeti përjetë në themelet e lirisë sonë”

25-vjetori i rënies së Fadil Nimani – Komandant Tigri. Për mua, kjo ditë nuk është vetëm një përkujtim, por një plagë që ende dhemb dhe një krenari që nuk shuhet kurrë. Pata nderin të jem pranë tij në ato momente të vështira lufte. Në atë përballje të ashpër, kur armiku kërkonte të na thyejë, Komandant Tigri qëndroi i pathyeshëm deri në frymën e fundit. Në atë betejë mbeta edhe unë i plagosur, por ai mbeti përjetësisht në themelet e lirisë sonë. Lavdi dëshmorëve të kombit, respekt dhe mirënjohje për invalidët dhe veteranët e UÇK-së./Televizioni News