Horor në Gjermani – shtetasi i Maqedonisë dyshohet për sulm ndaj pensionistit, që vdiq

Një person i moshës 36 vjeçe është arrestuar në Austri pas një fletarresti evropian, nën dyshimin se kishte marrë pjesë në një plackitje në Gjermani, gjë pas të cilës kishte vdekur një burr i moshës 93 vjeçare.
Sipas mediave austriake dhe gjermane, 36 vjecari nga Maqedonia e Veriut është arrestuar në Salzburg, në bazë të fletarrestit evropian, kurse pas arrestimit ai është dërguar në burgun “Puh-Urschtein”, në afërsi të qytetit.
Hetimi i policisë gjermane ka treguar se në fillim të muajit maj një grup i sulmuesve hyri me forcë në shtëpinë e një burri 93-vjeçar në Gjermani, me ç’rast e plaçkitën shtëpinë dhe më pastaj ikën.
Disa ditë më vonë, më 3 maj, fëmijët e tij plakun e gjetën të vdekur në shtëpi. Obduksioni tregoi se 93 vjecari kishte vdekur pas më shumë lëndimeve që i kishte marrë gjatë sulmit fizik.
Autoritetet gjermane paraprakisht arrestuan edhe dy persona të dyshuar, një person të moshës 30 vjeçe si dhe një tjetër të moshës 59 vjeve, ndërkohë që shtetasi i Maqedonisë së Veriut kërkohej dhe ndiqej gjithandej.