Kryetari i Kuvendit të Maqedonisë, Afrim Gashi, po mer pjesë në “Takimin e III Ndërkombëtar të Miqve të Ballkanit Perëndimor”, një ngjarje me rëndësi të veçantë për rajonin.
“Një pritje e ngrohtë mirëseardhjeje në Lubjanë, e organizuar nga Presidentja e Sllovenisë, Sh.S. Natasa Pirc Musar.
Kjo pritje përfaqëson një nisje simbolike të një dialogu të rëndësishëm ndërkombëtar, që zhvillohet në kuadër të “Takimit të III Ndërkombëtar të Miqve të Ballkanit Perëndimor”, mbi sfidat dhe perspektivën europiane të rajonit në një realitet të ri gjeopolitik.
E falënderova përzemërsisht për mikpritjen dhe ftesën për të qenë pjesë e kësaj ngjarje me rëndësi të veçantë për rajonin”, ka shkruar Gashi duke postuar fotografi mes dy presidenteve: Presidentes sllovene Natasa Pirc Musar dhe ish presidentes kroate, Kolinda Grabar Kitaroviq.