Mbahet sot në Tiranë dita e dytë e Samitit të IV të Diapsotrës. Kreu i qeverisë shqiptare Edi Rama në fjalën e tij deklaroi se Shqipëria ka hyrë në një fazë të re zhvillimi. Ai tha se Shqipëria nuk është më një vend që kërkon pranimin në arenën ndërkombëtare, por një vend që gëzon respekt dhe besim si kurrë më parë.
Ai vlerësoi veçanërisht diasporën, duke theksuar se përvoja e saj është thelbësore për të ardhmen e vendit dhe për ndërtimin e një shoqërie që reflekton vlerat evropiane.
Rama: Kemi kaluar nga një Shqipëri që përpiqej të mbijetonte në një Shqipëri që përpiqet të përmirësohet, nga një Shqipëri që kërkonte të pranohej ndërkombëtarëisht në një Shqipëri që respektohet dhe besohet si kurrë më parë në arenën ndërkombëtare. Shqipëria sot është një vend që ndryshon çdo ditë. Në mënyrë të padisksutueshme dhe të pakthyeshme Shqipëria ecën vetëm përpara. Shqipëria 2030 në BE është përmbyllja e një rrugëtimi që shumë prej jush e kanë përjetuar në jetët e tyre duke u integruar në shoqëri që përfaqësosjnë vlerat që ne synojmë të rrënjosim këtu. Përvoja juaj është thelbësore për të ardhmen e Shqipërisë. Ju e dini se kjo rrugë nuk është pa sfida. Do të ketë zhgënjime, do të ketë momente, kur progresi mund të duket i ngadalësuar por asnjë rrugë suksesi nuk ndërtohet përmes rehatisë, dhe kombet nuk ndërtohen në momente rehatie.