LSDM shpreson se pas rënies së Orbanit në Hungari pret që të ketë ndikim edhe në mediat në Maqedoni. Nga atje thonë se qeveria e re e Hungarisë ka paralajmëruar reforma të thella në media, ku sipas LSDM-së, do të ketë ndikim edhe në Maqedoni, sepse 40% e hapësirës mediatike në vend kontrollohet nga Orbani.
“Qeveria e ardhshme e Tiszës, e udhëhequr nga Peter Magyar, njoftoi një reformë të thellë të medias dhe kthimin e Hungarisë në rrugën evropiane.
Maqedonia është tashmë në errësirë mediatike për shkak të medias së Orbanit, e cila kontrollon 40% të hapësirës mediatike, e cila menaxhohet drejtpërdrejt nga organizata kriminale VMRO-DPMNE.
Lajmet e rreme, skandalet e sajuara, fushatat e zeza 24 orë kundër LSDM-së dhe linçimi publik i kryetarit Venko Filipçe janë bërë një realitet i përditshëm në Maqedoni.
Që nga njoftimi ynë i parë se Orbani do të binte, kur qytetarët filluan të kuptonin se të njëjtat media po i mashtronin çdo ditë, dhe VMRO-DPMNE me defokusin e saj, po i shpërqendronte nga temat kryesore – pasuan fushata të ashpra të zeza kundër LSDM-së.
Për shkak të njoftimit të ndryshimeve historike në Hungari, VMRO-DPMNE-ja e intensifikoi në panik fushatën kundër LSDM-së dhe Venko Filipçes: së pari përmes mediave të saj dhe të ashtuquajturve gazetarë (bashkëpunëtorë të shërbimeve të huaja), pastaj përmes individëve nga LSDM-ja (disa të shantazhuar, disa të blerë), dhe më pas përmes aferave të panumërta të sajuara si “Dr. Jean”, një degëzim me “Daka” – njeriun nga lista e zezë amerikane me lidhje ruse, dhe përmes historive të rreme për Dubain, Afrikën, Shën Moritzin dhe sajime të tjera.
Me shpresë të madhe, presim që ky ndryshim në Hungari të sjellë normalizim të marrëdhënieve me BE-në, respekt për sundimin e ligjit dhe bashkëpunim konstruktiv në rajon.
Shpresojmë që media të çlirohet nga kontrolli politik dhe që më në fund raportimi i lirë, relevant dhe objektiv do të vijë edhe tek ne”, thonë nga LSDM.